حالة غير طبيعية!! بجد قربت أحقق ريكورد عالي في عدد مرات البرد اللي بيجي فيها دي. أووووووووف يعني!! يا خراااااابي. بس المرة دي أنا عندي حالة هيستيريا شنيعة. لأول مرة أحس أن البني آدم بيقدر يعيش مهما حصل.
أنا طول عمري مقتنعة بالمبدأ "الحياة لا تتوقف أبدًا" .. هي فعلًا مبتقفش، أقعد أنت اهري وانكت في نفسك وهي ماشية ما شاء الله عليها 24 ساعة في 7 أيام تلاقي الشهر خلص وأنت يا عين أمك هاري في نفسك ومتشحتف على روحك. لكن هي وقفت!! تؤتؤتؤ إطلاقًااااااااااااااا!
عيب يا بشر. دي الحياة برضه. مبتوقفش لحد ولا على حد.
فأنا قررت ليه أقتنع بمبدأ لكن ماصدقوش فعلًا .. بإدراك كده. من الأخر حياتي أنا كمان مبتوقفش على حد ولا لحد. أينعم كده الوضع خلاني بياعة وش لكل اللي حواليا بس من الأخر كده "دامن يو بيبول .. آي دونت جيف آ دامن" .. أصل ولا حد بيعملي إعتبار ولا حد بيحطني فوق رأسه واللي ميحطكش فوق رأسك -لا مؤاخذة- ماتلبسوش حتى في رجليك. ده كلام الأمثال برضه يا جودعاااااان.
المهم.. يروح أصحاب، بيجي غيرهم .. ومحدش يقولي فيه ناس مبتتعوضش، هئ هئ بيتعوضوا وحياة أبوكم. وأفتكروا بعد 10 سنين مش هاتعرفوا ولا صاحب أساسًا غير اللي بيفرضهم المكان وبيحكموا الوقت والسن.
آه فيه ناس معينة بتقدر تفهمك مش بس تسلي وقتك وتقضي معاها اليوم .. أه النقطة دي صح. الشخص المعين الصديق اللي بيفهمك وتفهمه واللي ساعات بتحس أنه مش هايتكرر .. لا بيتكرر بس المشكلة اننا مبندورش كويس أو مبنديش فرصة لناس تانية تأخد مساحة.
الشغل .. أبو الشغل، يغور في ستميت داهية .. أنا بقى بنت ومش فارق معايا بنكلة من الأخر .. أنا بأشتغل ترفيه وتضييع وقت. كل ما يقولوا يلا نعمل اعتصام واضراب ونغتت على الادارة .. مع نفسكم يا زبالة انا اصلا شوية ولا هاعرفكم. أينعم فيهم ناس كويسة بس والله المكان كله عاوز يولع بجاز.
الجواز .. بيس، مفيش أي مشاكل .. صدعوني شكرًا زي ما تحبوا .. أنا عارفة أنه هناك في حتة كده بعيدة أو قريبة .. فيه واحد مكتوب لي وبتاعي ومتقدر لي .. هايجي لي في يوم .. أعرفه بقى أو معرفوش .. الله أعلم! .. مش شاغلة نفسي بالقضية دي ولا بأفكر فيها ولا في حد.
الصحة .. أنا أساسًا باتعب بمعدل أسبوعي، والحمد لله باضحك قد كده وانا عيانة وبأحاول اقضي اليوم وانا تعبانة ومش باموت فيها، بالعكس بأنزل الشغل كمان عند في نفسي .. اللي هو اليوم يضيع كده وانا في بيتنا عيانة .. مينفعععععععععععش !!.. عديت مرحلة الموت دي .. ولو هاموت، فيارب ياااااااارب إذا أمسكت روحي فأرحمها.
العالم اللي في الشغل، ممكن يحيلوا حياة أي حد لجحيم قائم .. بس انا بعون الله بأحط جزمة في بق أتخن تخين فيهم وعندي رجالة يأكلوا الزلط وواقفين لي وبقيت باخد حبايتين الشجاعة قبل ما أنزل من البيت وأبقى زي رامبو كده قصادهم.
الحياة بتاعتي مبقيتش بتقف، ال24 ساعة بتوعي مبقيتش أحب أنام في وسطهم .. ساعة القيلولة اللي ممكن كانت تضرب معايا ل3 ساعات راحت خلاص .. أنا عمري هاتحاسب عليه، وقتي قليل .. أرجع من الشغل وأتغدى واقرأ واشرب الشاي وألعب رياضة و اخد الدش واقعد آونلاين اشوف الدنيا وبعدين اقرأ واشوف فيلم ولا مسلسل وأنام بدري وأصحى بدري.
حياتي مبتوقفش ولا هاوقفها
غلطانة لو أفتكرت في يوم ولا قولت أنها هاتقف لحد.
حياتي مش بتاعة حد غيري ومش هاوقفها إلا عشاني أو لما ربنا يريد يوقفها ويريح البشرية من جناني.
أنا طول عمري مقتنعة بالمبدأ "الحياة لا تتوقف أبدًا" .. هي فعلًا مبتقفش، أقعد أنت اهري وانكت في نفسك وهي ماشية ما شاء الله عليها 24 ساعة في 7 أيام تلاقي الشهر خلص وأنت يا عين أمك هاري في نفسك ومتشحتف على روحك. لكن هي وقفت!! تؤتؤتؤ إطلاقًااااااااااااااا!
عيب يا بشر. دي الحياة برضه. مبتوقفش لحد ولا على حد.
فأنا قررت ليه أقتنع بمبدأ لكن ماصدقوش فعلًا .. بإدراك كده. من الأخر حياتي أنا كمان مبتوقفش على حد ولا لحد. أينعم كده الوضع خلاني بياعة وش لكل اللي حواليا بس من الأخر كده "دامن يو بيبول .. آي دونت جيف آ دامن" .. أصل ولا حد بيعملي إعتبار ولا حد بيحطني فوق رأسه واللي ميحطكش فوق رأسك -لا مؤاخذة- ماتلبسوش حتى في رجليك. ده كلام الأمثال برضه يا جودعاااااان.
المهم.. يروح أصحاب، بيجي غيرهم .. ومحدش يقولي فيه ناس مبتتعوضش، هئ هئ بيتعوضوا وحياة أبوكم. وأفتكروا بعد 10 سنين مش هاتعرفوا ولا صاحب أساسًا غير اللي بيفرضهم المكان وبيحكموا الوقت والسن.
آه فيه ناس معينة بتقدر تفهمك مش بس تسلي وقتك وتقضي معاها اليوم .. أه النقطة دي صح. الشخص المعين الصديق اللي بيفهمك وتفهمه واللي ساعات بتحس أنه مش هايتكرر .. لا بيتكرر بس المشكلة اننا مبندورش كويس أو مبنديش فرصة لناس تانية تأخد مساحة.
الشغل .. أبو الشغل، يغور في ستميت داهية .. أنا بقى بنت ومش فارق معايا بنكلة من الأخر .. أنا بأشتغل ترفيه وتضييع وقت. كل ما يقولوا يلا نعمل اعتصام واضراب ونغتت على الادارة .. مع نفسكم يا زبالة انا اصلا شوية ولا هاعرفكم. أينعم فيهم ناس كويسة بس والله المكان كله عاوز يولع بجاز.
الجواز .. بيس، مفيش أي مشاكل .. صدعوني شكرًا زي ما تحبوا .. أنا عارفة أنه هناك في حتة كده بعيدة أو قريبة .. فيه واحد مكتوب لي وبتاعي ومتقدر لي .. هايجي لي في يوم .. أعرفه بقى أو معرفوش .. الله أعلم! .. مش شاغلة نفسي بالقضية دي ولا بأفكر فيها ولا في حد.
الصحة .. أنا أساسًا باتعب بمعدل أسبوعي، والحمد لله باضحك قد كده وانا عيانة وبأحاول اقضي اليوم وانا تعبانة ومش باموت فيها، بالعكس بأنزل الشغل كمان عند في نفسي .. اللي هو اليوم يضيع كده وانا في بيتنا عيانة .. مينفعععععععععععش !!.. عديت مرحلة الموت دي .. ولو هاموت، فيارب ياااااااارب إذا أمسكت روحي فأرحمها.
العالم اللي في الشغل، ممكن يحيلوا حياة أي حد لجحيم قائم .. بس انا بعون الله بأحط جزمة في بق أتخن تخين فيهم وعندي رجالة يأكلوا الزلط وواقفين لي وبقيت باخد حبايتين الشجاعة قبل ما أنزل من البيت وأبقى زي رامبو كده قصادهم.
الحياة بتاعتي مبقيتش بتقف، ال24 ساعة بتوعي مبقيتش أحب أنام في وسطهم .. ساعة القيلولة اللي ممكن كانت تضرب معايا ل3 ساعات راحت خلاص .. أنا عمري هاتحاسب عليه، وقتي قليل .. أرجع من الشغل وأتغدى واقرأ واشرب الشاي وألعب رياضة و اخد الدش واقعد آونلاين اشوف الدنيا وبعدين اقرأ واشوف فيلم ولا مسلسل وأنام بدري وأصحى بدري.
حياتي مبتوقفش ولا هاوقفها
غلطانة لو أفتكرت في يوم ولا قولت أنها هاتقف لحد.
حياتي مش بتاعة حد غيري ومش هاوقفها إلا عشاني أو لما ربنا يريد يوقفها ويريح البشرية من جناني.
ليست هناك تعليقات:
إرسال تعليق