عايزة أنزل!! بجد كده كتير أوي .. سكتت كتير وكتمت في قلبي ومستحملة .. الناس بتغير وبتصلح البلد وبتجدد في التاريخ وأنا حتى ملحقتش أتشعلق في ديله .. هانزل أمتى؟ هأقف وسط الناس وأهتف بعلو صوتي لحد ما يتنبح وأرجع فخورة بنفسي أمتى؟ أمتى يا سارة؟ يخرب بيت كده .. يخرب بيت القيود. الله يحرق اليوم اللي اشتغلت فيه هناك وقيدوني.
كل يوم قلبي يحرقني على الناس اللي بتموت، والناس اللي بتنزل وتهتف، والناس اللي شغلها راح، والناس اللي تقبض ملاليم .. محدش يقولي بكل سلبية .. ماتنزليش أصلها مستورة معاكي .. محدش يفضل يفكر بطريقة "يحدث للأخرين فقط" .. ماهو أكمن محصلكش فأنت قاعد في بيتكم زي المخدة بتتفرج من التلفزيون .. ولا أيه دخلكم في السياسة؟ ولا مانتم بتاكلوا وبتشربوا؟
نفسي أنزل!! يا بابا سيبني أنزل .. عاوزة أعبر وأقول رأيي .. سيبوني بجد أتكلم وأعلي صوتي وأندمج مع الناس اللي دماغها زي دماغي ومصريين زيي حتى لو مختلفين في الستر والعيشة والبيت والتفكير .. أنا مقهورة زي زيهم.
نفسي أقف وسط أصحابي وأشوف معاهم، مكان كنت بأروحه معاهم ومعالمه أتغيرت حتى مبقيتش اعرفه من التلفزيون .. لما أنزله مش هأعرفه غير بالأسم .. مش هأعرفه غير وأنا بأقول ميدان التحرير للسواق اللي يودينا.
عارفة أن قلبي هايتقطع وسط الناس واللافتات والهتافات هاتخليني مش هاقدر أقف على رجلي، بس عاوزة أروح، أنا معاهم .. أنا معاهم يا حكومة يا ولاد الكلب.
مش ثورجية ولا حوار وطنية .. بس السكوت لحد أمتى، هاتشوف الدنيا بتتغير وأنت مؤمن بس خايف لحد أمتى؟
والله أنا معاكم
أنا معاااااااااااكم
بأحلم ونفسي وقلبي وروحي بكل كياني أنا واقفة أهو معاكم
"يا ليتني كنت معكم حقًا"
كل يوم قلبي يحرقني على الناس اللي بتموت، والناس اللي بتنزل وتهتف، والناس اللي شغلها راح، والناس اللي تقبض ملاليم .. محدش يقولي بكل سلبية .. ماتنزليش أصلها مستورة معاكي .. محدش يفضل يفكر بطريقة "يحدث للأخرين فقط" .. ماهو أكمن محصلكش فأنت قاعد في بيتكم زي المخدة بتتفرج من التلفزيون .. ولا أيه دخلكم في السياسة؟ ولا مانتم بتاكلوا وبتشربوا؟
نفسي أنزل!! يا بابا سيبني أنزل .. عاوزة أعبر وأقول رأيي .. سيبوني بجد أتكلم وأعلي صوتي وأندمج مع الناس اللي دماغها زي دماغي ومصريين زيي حتى لو مختلفين في الستر والعيشة والبيت والتفكير .. أنا مقهورة زي زيهم.
نفسي أقف وسط أصحابي وأشوف معاهم، مكان كنت بأروحه معاهم ومعالمه أتغيرت حتى مبقيتش اعرفه من التلفزيون .. لما أنزله مش هأعرفه غير بالأسم .. مش هأعرفه غير وأنا بأقول ميدان التحرير للسواق اللي يودينا.
عارفة أن قلبي هايتقطع وسط الناس واللافتات والهتافات هاتخليني مش هاقدر أقف على رجلي، بس عاوزة أروح، أنا معاهم .. أنا معاهم يا حكومة يا ولاد الكلب.
مش ثورجية ولا حوار وطنية .. بس السكوت لحد أمتى، هاتشوف الدنيا بتتغير وأنت مؤمن بس خايف لحد أمتى؟
والله أنا معاكم
أنا معاااااااااااكم
بأحلم ونفسي وقلبي وروحي بكل كياني أنا واقفة أهو معاكم
"يا ليتني كنت معكم حقًا"
ليست هناك تعليقات:
إرسال تعليق