حسام كتب نوت وقال فيها "ماذا سيقول حسام لحسام بتاع 10 سنين فاتوا؟"
بمعنى بسيط .. حسام كتب 10 حاجات هايقولهم لنفسه من عشر سنين .. حاجات مهمة .. حاجات تافهة .. حاجات يدونها .. حاجات للتذكرة .. حاجات للندم .. اهي شوية حاجات حسام حس أنه كان لازم يقولهم لحسام بتاع 10 سنين فاتوا.
حسام سنه كبير أساسا يعني بقى عنده 27 او 28 .... وأخد الفكرة من صاحبه محمد اللي تقريبا في سن مشابه.
أنا مش هاقدر اكتب لنفسي "سارة هاتقول ايه لسارة بتاعة 10 سنين فاتوا" .. لأن سارة وقتها كانت صغيرة جدا .. يعني بتاع 13 سنة @_@
يا فضيحتي .. انا مش فاكرة ممكن أكتب لها ...
طيب ساعتها ممكن أكتب عنوان الورقة دي .... مممممم ممممممممم .... "10 حاجات سارة تقولهم لسارة بتاعة 6-7-8-9-10 سنين فاتوا"
خلاص كده ارتحت .. قسمنا البلد نصين يا جماعة وحطينا رينج كويس نلعب فيه.
سااااااااااااااااااارة .. إإإإإإإإإإإإإإإإإإإإإإإإإإإإإإإإإإإإإبتدي
"10 حاجات سارة تقولهم لسارة بتاعة 6-7-8-9-10 سنين فاتوا"
1- أتمسكي بحلم أو بهواية أو بميزة أو بكل حاجة كنتي شايفة أنها عاملة ومشكلة شخصيتك .. متسيبيش حد يكسر طموحاتك لمجرد أنهم شايفين حاجة ليكي مش بتاعتك.
2- متخليش حد يكرهك في نفسك، شكلك، طباعك .. أنتي حلوة، كويسة، ربنا خلقك كده .. قولي لنفسك كل يوم أنا جـ-مـ-يـ-لـ-ـة .. وأدعي ربنا "اللهم أحسن في خُلقي كما أحسنت في خَلقي".
3- أصحابك القدام اللي بيمثلوا كل البراءة .. متفرطيش فيهم، هاتندمي بجد. مكانك القديم ماتنكريهوش ... أنتي لسة بتحبي كل حتة عيشتي فيها مهما أهلك اتبروا من كل مكان.
4- فيه ناس كان انطباعك الأول عنهم صح، صح جدًا .. ثقي في إنطباعك الأول ولكن مش ثقة عمياء. حطي شرط دايما أن الناس ممكن تتغير أو أنتي تكوني شفتي غلط.
5- ماتتسرعيش . ماتتسرعيش. ماتتسرعيش .. 100 مرة ماتتسرعيش. خسرتي نفسك قبل ما تخسري ناس كتير بتسرعك.
6- ماتقوليش بحبك لحد ما بتحبيهوش ... ما تقوليش بحبك لأنه لازم ... ما تقوليش بحبك لأي حد .. ماتقوليهاش أبدًا إلا لشخص واحد لأنك هاتندمي لما هاتخرج منك كتير.
7- خليكي قوية لكن مش عدائية .. خليكي هادية لكن مش خاضعة .. ماتخليش قفاكي مداس للناس، أعملي مواقف وإلا هايشاوروا عليكي ويقولوا "العبيطة اهي".
8- قربي من ربنا جدًا .. من وقت ما تحسي أنك بتبعدي ومش بتفكري .. ماتقوليش بعدين .. ربنا هو الوحيد اللي ليكي واللي باقي لك واللي معاكي واللي بيحبك ومستنيكي تحبيه وتروحي له بقلبك وتعبديه لأخر نفس في روحك.
9- ما تقوليش أسرار لحد .. ماتسمعيش أسرار حد. حاولي تطبقي طوطم القرد. لا أرى لا أسمع لا أتكلم. هاترتاحي.
10- ماتخديش خطوات أولى ناحية راجل ... ماتخديش خطوات أولى مهما حصل، مهما كان يستاهل وأنتي موقنة من ده وعارفاه. ماتحاوليش. بشكل ما أنتي قليتي من نظره للأبد.
1- أتمسكي بحلم أو بهواية أو بميزة أو بكل حاجة كنتي شايفة أنها عاملة ومشكلة شخصيتك .. متسيبيش حد يكسر طموحاتك لمجرد أنهم شايفين حاجة ليكي مش بتاعتك.
2- متخليش حد يكرهك في نفسك، شكلك، طباعك .. أنتي حلوة، كويسة، ربنا خلقك كده .. قولي لنفسك كل يوم أنا جـ-مـ-يـ-لـ-ـة .. وأدعي ربنا "اللهم أحسن في خُلقي كما أحسنت في خَلقي".
3- أصحابك القدام اللي بيمثلوا كل البراءة .. متفرطيش فيهم، هاتندمي بجد. مكانك القديم ماتنكريهوش ... أنتي لسة بتحبي كل حتة عيشتي فيها مهما أهلك اتبروا من كل مكان.
4- فيه ناس كان انطباعك الأول عنهم صح، صح جدًا .. ثقي في إنطباعك الأول ولكن مش ثقة عمياء. حطي شرط دايما أن الناس ممكن تتغير أو أنتي تكوني شفتي غلط.
5- ماتتسرعيش . ماتتسرعيش. ماتتسرعيش .. 100 مرة ماتتسرعيش. خسرتي نفسك قبل ما تخسري ناس كتير بتسرعك.
6- ماتقوليش بحبك لحد ما بتحبيهوش ... ما تقوليش بحبك لأنه لازم ... ما تقوليش بحبك لأي حد .. ماتقوليهاش أبدًا إلا لشخص واحد لأنك هاتندمي لما هاتخرج منك كتير.
7- خليكي قوية لكن مش عدائية .. خليكي هادية لكن مش خاضعة .. ماتخليش قفاكي مداس للناس، أعملي مواقف وإلا هايشاوروا عليكي ويقولوا "العبيطة اهي".
8- قربي من ربنا جدًا .. من وقت ما تحسي أنك بتبعدي ومش بتفكري .. ماتقوليش بعدين .. ربنا هو الوحيد اللي ليكي واللي باقي لك واللي معاكي واللي بيحبك ومستنيكي تحبيه وتروحي له بقلبك وتعبديه لأخر نفس في روحك.
9- ما تقوليش أسرار لحد .. ماتسمعيش أسرار حد. حاولي تطبقي طوطم القرد. لا أرى لا أسمع لا أتكلم. هاترتاحي.
10- ماتخديش خطوات أولى ناحية راجل ... ماتخديش خطوات أولى مهما حصل، مهما كان يستاهل وأنتي موقنة من ده وعارفاه. ماتحاوليش. بشكل ما أنتي قليتي من نظره للأبد.
ليست هناك تعليقات:
إرسال تعليق