الوضع مش مطمئن تمامًا بس بشكل ما الدنيا، الحال، والعالم .. مازال ماشي!
إحساسي بأن الدنيا دي مش ليا، الزمن ده مش بتاعي .. مازال بيتعاظم كل يوم!
جسمي في الحتة دي .. لكن روحي في مكان تاني.
مش كنت قولت باحاول ماهتمش وأقضيها .. بجد مش قادرة!
انهاردة كانت عيني مليانة دموع وخلاص على أخري
رحاب قالتلي : "قوليلي طيب قلبك متأثر أوي كده من ايه؟" .. معرفتش أرد!
قلبي متأثر من كتير أوي مينفعش يتقال في جملتين .. جزيت على سناني وكتمت وسكتت!
سمعت صوت بابا امبارح .. جريت لحد ما وصلت، كلنا ملفوفين حوالين الموبيل بنسمعه وبنكلمه.
وحشتني يا بابا .. أنتهت الرسالة!
ماما قالت بعلو صوتها: "ياباااااااااااااااااني" .. "ياباني ليه؟" .. "الأول درامز ودلوقتي ياباني" .. "هو أنتي فاضية للدرجة دي"
معرفتش أرد عليها ... هي شايفاه تخبط أني عاوزة اتعلم أي بطيخ في أي جرجير وكل فترة أطلع بحاجة عاوزة أروح اتعلمها
أنا لدي أسبابي .. لكن معنديش حيل أجادل حد مش فارق معاه يفهمني!
قعدت يوم واحد أجازة من الشغل، جالي جنان رسمي وأتخانقت مع كل شخص يمكن تخيله
أنا بقيت كالوحش الذي لا يمكن ترويضه .. النزول من البيت بالنسبة لي رحمة.
الوحدة، الاكتئاب، الشاي، الكمبيوتر، الكتب .. وأنا. ثم سأتحول لشخص لا يمكن السيطرة عليه.
السفر .. منتظرة بشكل بشع، ميعاد سفري!
التغيير .. دنيا أخرى .. شارع جديد .. شوفة بابا وحضنه من تاني .. أزور ربنا وأدعي لكل حبايبي.
يارب اكتبهالي وتقبلها مني.
عاوزة أخترع آلة زمن - هاروح زمان بلا رجعة
هاعيش مطرح مانا حاسة انه ينفعني ومناسب ليا
أنتهت الرسالة
---------------------------------
إحساسي بأن الدنيا دي مش ليا، الزمن ده مش بتاعي .. مازال بيتعاظم كل يوم!
جسمي في الحتة دي .. لكن روحي في مكان تاني.
مش كنت قولت باحاول ماهتمش وأقضيها .. بجد مش قادرة!
انهاردة كانت عيني مليانة دموع وخلاص على أخري
رحاب قالتلي : "قوليلي طيب قلبك متأثر أوي كده من ايه؟" .. معرفتش أرد!
قلبي متأثر من كتير أوي مينفعش يتقال في جملتين .. جزيت على سناني وكتمت وسكتت!
سمعت صوت بابا امبارح .. جريت لحد ما وصلت، كلنا ملفوفين حوالين الموبيل بنسمعه وبنكلمه.
وحشتني يا بابا .. أنتهت الرسالة!
ماما قالت بعلو صوتها: "ياباااااااااااااااااني" .. "ياباني ليه؟" .. "الأول درامز ودلوقتي ياباني" .. "هو أنتي فاضية للدرجة دي"
معرفتش أرد عليها ... هي شايفاه تخبط أني عاوزة اتعلم أي بطيخ في أي جرجير وكل فترة أطلع بحاجة عاوزة أروح اتعلمها
أنا لدي أسبابي .. لكن معنديش حيل أجادل حد مش فارق معاه يفهمني!
قعدت يوم واحد أجازة من الشغل، جالي جنان رسمي وأتخانقت مع كل شخص يمكن تخيله
أنا بقيت كالوحش الذي لا يمكن ترويضه .. النزول من البيت بالنسبة لي رحمة.
الوحدة، الاكتئاب، الشاي، الكمبيوتر، الكتب .. وأنا. ثم سأتحول لشخص لا يمكن السيطرة عليه.
السفر .. منتظرة بشكل بشع، ميعاد سفري!
التغيير .. دنيا أخرى .. شارع جديد .. شوفة بابا وحضنه من تاني .. أزور ربنا وأدعي لكل حبايبي.
يارب اكتبهالي وتقبلها مني.
عاوزة أخترع آلة زمن - هاروح زمان بلا رجعة
هاعيش مطرح مانا حاسة انه ينفعني ومناسب ليا
أنتهت الرسالة
---------------------------------
ليست هناك تعليقات:
إرسال تعليق