وبأجري أجري أجري أجررررررررررررري ..........
الوضع بيختلف كتير أوي أوي قبل الجري وبعده. فعلاً فعلاً!! .. هرمون الإندورفين ده بقى بالنسبة لي إدمان رسمي. الله عليه وهو بيتدفق وبيضرب في النفوخ.
إيه هي مسببات السعادة؟ .. بالنسبة لي، هو بقى هرمون الإندورفين .. وأنا بقيت أطلعه من ناحيتين، شوكولاتة وجري. وأهو برضه هرمون شغال مسكن للألم برضه .. يعني 3 في 1. وصلي صلي .. صللللللللي!!
فعليًا بتصيبني حالة من التهييس والجنان المطلق بعد جرعة شوكولاتة محترمة، لكن بعد ما الجري بالأقي ابتسامة وضحكة غير طبيعية منورة وشي .. عاوزة أضحك وأرقص وأتنطط وأفضل أكمل جري تاني .. عضلاتي مرهقة ورجلي مش قادرة تشيلني وركبي بتخبط الجيران .. بس أنا لسة عاوزة أجري وبأجري و أنط و 1 2 هوب.
لو جريت نص ساعة قبل الشغل الصبح، يبقى يا سعدهم يا هناهم بيا هناك .. أحلى تهييس وأحلى ضحك وأحلى كلام وتنطيط ولو سمعت أغنيتين مببقاش قادرة أمسك نفسي على الكرسي .. وأقف ورا دينا . "دينا يالا نقوم نرقص .. طب ننزل الحمام ونرقص" .. "طب نتنطط" .. "طب دينا أضربيني قلمين أفوق بجد" .. "أنا مهيبرة أوي" ولو عيد أو غازي عزموا عليا بتوفي او بونبوني .. وشي يبتدي يحمر ويجيلي sugar rush .. والاقيني باضحك بهيستيريا رهيييييييييييبة .. بيحبوني أوي في الايام دي.
بس أحسن وقت بالنسبة الربع ساعة بعد ما خلص تمرينات تبريد وتهدئة العضلات بعد الجري .. بأمدد خلاص على الأرض وأحس بالبرودة دي. كل حاجة فوق عيني بيضااااااااااااااااااء .. السقف أبيض ومنور، الأغنية بتعزف في وداني مش فاهمة منها كلمة أصلها بالتركي .. بس مضمونها أن محدش معصوم من الخطأ .. وأسرح وجسمي يهدى وأركز في حاجات كتير .. بأحس في اللحظات دي أني باشوف بجد و أي غيامة على عقلي بتتشال، بأقعد أفكر في حاجات كتيرة بمنطقية .. بأومن أوي أن أي حد بيجي في بالي في اللحظات دي بيبقى فعلاً حد عزيز عليا أنه زارني في وقت إنتشائي.
دلوقتي بقيت بأستنى أي فرصة عشان أجري في الشارع .. بابا يقولي أطلعي هاتي من فوق بسرعة، أطلع جررررررري .. لو نسيت الكارنيه .. أجري بسرعة .. لو شفت حد بحبه هأجريله طبعًا .. Honey I'll Run To You
بعد تجربة الجري في البيت وكل الإندورفين المدمر لهرمونات الإكتئاب والضغوط .. أنا مش مفتقدة غير الهواء اللي كان بيخبط في وشي وأنا بأجري في الشارع .. مفتقدة شكل الأسفلت تحت الكوتشي بتاعي. مفتقدة حقيقة الجري وواقعيته بجد.
لكن بعض الشيء لا يضر طالما بيوصل الإحساس ... وأهم حاجة الإندورفين .. لازم يكون فيه إندورفين!! بحبببببببه.
الوضع بيختلف كتير أوي أوي قبل الجري وبعده. فعلاً فعلاً!! .. هرمون الإندورفين ده بقى بالنسبة لي إدمان رسمي. الله عليه وهو بيتدفق وبيضرب في النفوخ.
إيه هي مسببات السعادة؟ .. بالنسبة لي، هو بقى هرمون الإندورفين .. وأنا بقيت أطلعه من ناحيتين، شوكولاتة وجري. وأهو برضه هرمون شغال مسكن للألم برضه .. يعني 3 في 1. وصلي صلي .. صللللللللي!!
فعليًا بتصيبني حالة من التهييس والجنان المطلق بعد جرعة شوكولاتة محترمة، لكن بعد ما الجري بالأقي ابتسامة وضحكة غير طبيعية منورة وشي .. عاوزة أضحك وأرقص وأتنطط وأفضل أكمل جري تاني .. عضلاتي مرهقة ورجلي مش قادرة تشيلني وركبي بتخبط الجيران .. بس أنا لسة عاوزة أجري وبأجري و أنط و 1 2 هوب.
لو جريت نص ساعة قبل الشغل الصبح، يبقى يا سعدهم يا هناهم بيا هناك .. أحلى تهييس وأحلى ضحك وأحلى كلام وتنطيط ولو سمعت أغنيتين مببقاش قادرة أمسك نفسي على الكرسي .. وأقف ورا دينا . "دينا يالا نقوم نرقص .. طب ننزل الحمام ونرقص" .. "طب نتنطط" .. "طب دينا أضربيني قلمين أفوق بجد" .. "أنا مهيبرة أوي" ولو عيد أو غازي عزموا عليا بتوفي او بونبوني .. وشي يبتدي يحمر ويجيلي sugar rush .. والاقيني باضحك بهيستيريا رهيييييييييييبة .. بيحبوني أوي في الايام دي.
بس أحسن وقت بالنسبة الربع ساعة بعد ما خلص تمرينات تبريد وتهدئة العضلات بعد الجري .. بأمدد خلاص على الأرض وأحس بالبرودة دي. كل حاجة فوق عيني بيضااااااااااااااااااء .. السقف أبيض ومنور، الأغنية بتعزف في وداني مش فاهمة منها كلمة أصلها بالتركي .. بس مضمونها أن محدش معصوم من الخطأ .. وأسرح وجسمي يهدى وأركز في حاجات كتير .. بأحس في اللحظات دي أني باشوف بجد و أي غيامة على عقلي بتتشال، بأقعد أفكر في حاجات كتيرة بمنطقية .. بأومن أوي أن أي حد بيجي في بالي في اللحظات دي بيبقى فعلاً حد عزيز عليا أنه زارني في وقت إنتشائي.
دلوقتي بقيت بأستنى أي فرصة عشان أجري في الشارع .. بابا يقولي أطلعي هاتي من فوق بسرعة، أطلع جررررررري .. لو نسيت الكارنيه .. أجري بسرعة .. لو شفت حد بحبه هأجريله طبعًا .. Honey I'll Run To You
بعد تجربة الجري في البيت وكل الإندورفين المدمر لهرمونات الإكتئاب والضغوط .. أنا مش مفتقدة غير الهواء اللي كان بيخبط في وشي وأنا بأجري في الشارع .. مفتقدة شكل الأسفلت تحت الكوتشي بتاعي. مفتقدة حقيقة الجري وواقعيته بجد.
لكن بعض الشيء لا يضر طالما بيوصل الإحساس ... وأهم حاجة الإندورفين .. لازم يكون فيه إندورفين!! بحبببببببه.
ليست هناك تعليقات:
إرسال تعليق