البوست ده مش على حاجة معينة .. أقدر أقول أنه حاجة عشوائية جدًا جدًا ..
العيد ده مختلف تمامًا .. مفيهوش تقريبًا أي حاجة مميزة تمت للعيد بصلة .. عيد بأقضيه لوحدي مع بابا بس .. مش متضايقة بالعكس، أنا مبسوطة. أنا فعلًا محتاجة وقت لوحدي في حاجات كتيرة.
مفيش زيارات وممنوعة من السفر والمواصلات بسبب العملية وأصلًا مليش نفس. بس ميمنعنش أن فكرة أن" العيد = السفر" كل سنة دي كانت هي الميزة و خلاص راحت فخلاص العيد نوعًا ما فقد ماهيته.
إتفرجت على أنمي. أول مرة أستمتع بيه فعلًا .. طبعًا بعد ما شحتفت الهارد ديسك بتاع البخاري معايا ونقلت كمية أنيميات قد كده، كان لازم أستغل على الأقل واحد منهم لكسر حاجز الفراغ والفضا ده كله. طبعًا كان لازم ولابد نبتدي برضه بالمفضل لدى البخاري ومروة واللي العيال كلهم متجننين بيه وهو Death Note.
الأنمي راااااااااائع خلصته كله كله في يومين ونص .. 37 حلقة قضيت عليهم كلهم مرة واحدة كده. حاجة خطييييييرة مينفعش أبطل فرجة عليها يعني.
بعيدًا عن الأحداث، الtheme song عملت لي حالة في حد ذاتها، ايه الروك الفظيع ده .. أكيد ده ميتال كمان، من أولها كده وهم بيقولوا We've always been this to free all the pain، وبأحس أن عاوزة افضل اهز في رأسي مع الإيقاع بكل جنان وإنطلاق كأن رأسي محجوزة جوا صندوق وعمالة بأخبط فيها رايح جاي ... جنان فعلاً .. حالة من الجنون المطلق مع الأغنية دي بالذات.
بتطلق كل شياطين الميتال من جوايا.
كلهم جم زاروني يوم الخميس اللي فات، أميرة وحياة وياسمين وروحية وأمنية .. فرحت بيهم أوي .. كان يوم حلو جدًا، حسيت بيهم وبوجودهم وقد إيه أنا مفتقداهم وقد إيه ممكن حتة موقف صغير فعلًا يعمل اللي عمالين نخطط فيه من زمن ... بقالنا من رمضان عاوزين نتقابل ومش عارفين نخطط ولا نجمع بعض .. ولما حصل وعملت العملية تاني يوم عرفوا كلهم اتصرفوا وجم واتقابلنا ... المصايب بتجمع والله :D
روحية فضلت قاعدة معايا لحد بالليل شوية تونسني وكده وقعدت تلعب في علب المانيكير بتاعي، وانطلقنا وحطيت لها في كل صباع لون وده أوحي لي دلوقتي بتلك الفكرة المجنونة وده اللي أنا قررت أعمله حالًا والآن في مود العيد ده .. حطيت في كل صباع لون
أبيض - أزرق مائي - برتقالي - أسود - بنفسجي - بمبي - بني - أحمر - أزرق - فوشيا
شكلهم تحفة طووووووووووحفة .. لو فيه أيموشن بيتنطط ناو كنت حطيته هنا ... روعة روعة إحساس الألوان. بأحس أن إيدي مبسوطة معايا والدنيا جميلة.
ليلة إمبارح مجاليش نوم .. بصراحة كنت هاتجنن وأنام جدًا .. لكن أنا وبابا كنا وحدنا وكالعادة سألني نفسي في إيه يجيبهولي، فقررت أستغل الوضع الحالي و شطحت بالطلبات بقى .. عاوزة شيبسي و سبرايت و تودو .. بابا جابلي طبعًا ولما وصل البيت جه متأخر جدًا .. على واحدة بالليل مثلًا ... وأصلا كان فيه تشوكليت كيك مخططة اكلها مع السبرايت لما تيجي .. ولسوء حظي جت السبرايت سخنة واضطريت احطها في الثلاجة تسقع وكده .. فضلت مستنية مستنية وأكلت الشيبسي ومستنية .. وبعدين اتفاجئت بالفكرة اللي حطيت على نفوخي.
أنا أصلا مبعرفش أنام لو أكلت مباشرة قبل النوم .. فالسيناريو هايكون كالتالي ..
1- السبرايت تسقع
2- احضر التشوكليت كيك واصب السبرايت
3- أكل الاتنين واتلذذ وبالهنا والشفا
4- احضر كوباية شاي اخضر
5- اسهر أقرأ و أتفرج على أي حاجة لمدة ساعة او ساعتين
6- اخد الدوا وانام بسلام
لو مشيت على السيناريو ده فعلا كنت هانام على 6 الصبح .. قولت طب انا هاحاول اشوف الوضع وكده وادرس المخطط بحرفية شديدة
اولا انا مستنية السبرايت تسقع والساعة 2 .. شديت مرجع فيزياء قديم وقعدت اقرأ واقرأ و الوقت بيمر وبيروح وبيجري وأنا مبقيتش مركزة وهوب الساعة 3 رحت اشوف السبرايت لقيتها سقعت فعلًا ... بس أنا كدماغ، معنديش!!! .. كنفس، مليش!!!
فقفزت على الخطوة رقم 4 .. راجع السيناريو .. ثم خطوة 6 ونمت بسلام على الساعة 3 ونص.
خلاص دلوقتي حالا
أنا مستمتعة بالسبرايت وبأسمع الأغنية بتاعة ديث نوت ... والألوان على ضوافري بتتقافز على زراير الكيبورد بكل مرح
YAAAAAAAAAAY !!!
العيد ده مختلف تمامًا .. مفيهوش تقريبًا أي حاجة مميزة تمت للعيد بصلة .. عيد بأقضيه لوحدي مع بابا بس .. مش متضايقة بالعكس، أنا مبسوطة. أنا فعلًا محتاجة وقت لوحدي في حاجات كتيرة.
مفيش زيارات وممنوعة من السفر والمواصلات بسبب العملية وأصلًا مليش نفس. بس ميمنعنش أن فكرة أن" العيد = السفر" كل سنة دي كانت هي الميزة و خلاص راحت فخلاص العيد نوعًا ما فقد ماهيته.
إتفرجت على أنمي. أول مرة أستمتع بيه فعلًا .. طبعًا بعد ما شحتفت الهارد ديسك بتاع البخاري معايا ونقلت كمية أنيميات قد كده، كان لازم أستغل على الأقل واحد منهم لكسر حاجز الفراغ والفضا ده كله. طبعًا كان لازم ولابد نبتدي برضه بالمفضل لدى البخاري ومروة واللي العيال كلهم متجننين بيه وهو Death Note.
الأنمي راااااااااائع خلصته كله كله في يومين ونص .. 37 حلقة قضيت عليهم كلهم مرة واحدة كده. حاجة خطييييييرة مينفعش أبطل فرجة عليها يعني.
بعيدًا عن الأحداث، الtheme song عملت لي حالة في حد ذاتها، ايه الروك الفظيع ده .. أكيد ده ميتال كمان، من أولها كده وهم بيقولوا We've always been this to free all the pain، وبأحس أن عاوزة افضل اهز في رأسي مع الإيقاع بكل جنان وإنطلاق كأن رأسي محجوزة جوا صندوق وعمالة بأخبط فيها رايح جاي ... جنان فعلاً .. حالة من الجنون المطلق مع الأغنية دي بالذات.
بتطلق كل شياطين الميتال من جوايا.
كلهم جم زاروني يوم الخميس اللي فات، أميرة وحياة وياسمين وروحية وأمنية .. فرحت بيهم أوي .. كان يوم حلو جدًا، حسيت بيهم وبوجودهم وقد إيه أنا مفتقداهم وقد إيه ممكن حتة موقف صغير فعلًا يعمل اللي عمالين نخطط فيه من زمن ... بقالنا من رمضان عاوزين نتقابل ومش عارفين نخطط ولا نجمع بعض .. ولما حصل وعملت العملية تاني يوم عرفوا كلهم اتصرفوا وجم واتقابلنا ... المصايب بتجمع والله :D
روحية فضلت قاعدة معايا لحد بالليل شوية تونسني وكده وقعدت تلعب في علب المانيكير بتاعي، وانطلقنا وحطيت لها في كل صباع لون وده أوحي لي دلوقتي بتلك الفكرة المجنونة وده اللي أنا قررت أعمله حالًا والآن في مود العيد ده .. حطيت في كل صباع لون
أبيض - أزرق مائي - برتقالي - أسود - بنفسجي - بمبي - بني - أحمر - أزرق - فوشيا
شكلهم تحفة طووووووووووحفة .. لو فيه أيموشن بيتنطط ناو كنت حطيته هنا ... روعة روعة إحساس الألوان. بأحس أن إيدي مبسوطة معايا والدنيا جميلة.
ليلة إمبارح مجاليش نوم .. بصراحة كنت هاتجنن وأنام جدًا .. لكن أنا وبابا كنا وحدنا وكالعادة سألني نفسي في إيه يجيبهولي، فقررت أستغل الوضع الحالي و شطحت بالطلبات بقى .. عاوزة شيبسي و سبرايت و تودو .. بابا جابلي طبعًا ولما وصل البيت جه متأخر جدًا .. على واحدة بالليل مثلًا ... وأصلا كان فيه تشوكليت كيك مخططة اكلها مع السبرايت لما تيجي .. ولسوء حظي جت السبرايت سخنة واضطريت احطها في الثلاجة تسقع وكده .. فضلت مستنية مستنية وأكلت الشيبسي ومستنية .. وبعدين اتفاجئت بالفكرة اللي حطيت على نفوخي.
أنا أصلا مبعرفش أنام لو أكلت مباشرة قبل النوم .. فالسيناريو هايكون كالتالي ..
1- السبرايت تسقع
2- احضر التشوكليت كيك واصب السبرايت
3- أكل الاتنين واتلذذ وبالهنا والشفا
4- احضر كوباية شاي اخضر
5- اسهر أقرأ و أتفرج على أي حاجة لمدة ساعة او ساعتين
6- اخد الدوا وانام بسلام
لو مشيت على السيناريو ده فعلا كنت هانام على 6 الصبح .. قولت طب انا هاحاول اشوف الوضع وكده وادرس المخطط بحرفية شديدة
اولا انا مستنية السبرايت تسقع والساعة 2 .. شديت مرجع فيزياء قديم وقعدت اقرأ واقرأ و الوقت بيمر وبيروح وبيجري وأنا مبقيتش مركزة وهوب الساعة 3 رحت اشوف السبرايت لقيتها سقعت فعلًا ... بس أنا كدماغ، معنديش!!! .. كنفس، مليش!!!
فقفزت على الخطوة رقم 4 .. راجع السيناريو .. ثم خطوة 6 ونمت بسلام على الساعة 3 ونص.
خلاص دلوقتي حالا
أنا مستمتعة بالسبرايت وبأسمع الأغنية بتاعة ديث نوت ... والألوان على ضوافري بتتقافز على زراير الكيبورد بكل مرح
YAAAAAAAAAAY !!!
ليست هناك تعليقات:
إرسال تعليق